R.A.D.I.O
Secondo
Frequenz 200000
Nur en Augeblick
Schnaps hilft
Du dörfsch kei Güff meh ha!
Eusä Discoscheiss
Müsliburg
Bring no en Style
So blöd simmer dänn wieder
Im Huus
Banner, Banner
Mach mal dä Max!
Händ ue!
Secondo
Musik: Sterneis
Text: Krasseranz, Jet Domani,
Redl, Sgoing Erlöst
Weisch mit so Fünd han ich nie Glück gha, doch das Portemonnaie liet ganz ellei da. Es isch dick und gross und ich dänke los, schnapp der‘s jetzt und bi weg und devo. Hüt isch min Glückstag, chömed alli mit. Ich lade alli ii, die ganzi Crew isch debi. Läck, isch das geil mis Läbe isch anderscht sit das Portemonnaie nüm det ellei liit. Und mer suufed und suufed, gäbed Chole uus, bschtelled so viel de Chällner chunnt nüme druus. Zieh Note nach Note, Schii für Schii und de Sack Sensi hämer au debii. Zieh Note nach Note, Schii für Schii und merke plötzlich da hätt‘s en C-Uuswiis. Woni‘s uufmache merki debi, ohh Shit! Das isch ja miiis Portemonnaie gsii!
Ich han äs Portemonnaie gfunde, vomne Secondo. Sölli‘s mitneh, sölli‘s zruggeh?
O o o lueg au det, es Po-Po-Po-Portemonnaie, liit so-so-so-sonderbar uf em Tro-tro-tro-tro-ttoir. Was macht das da? Das frög ich mich. Villich wird ich ja hüt no riich. Ich luege dri und glaub ich spinn: Es hät genau eis Rappe drin! Das cha ja gar nöd si, will's eis Rappe gar nöd git. Ja eis Rappe wär mer neu, will wänn Rappe, dänn scho foif! Ich tänke bi mir chasch ja nöd so si, dänn tuäni vom mir no än Foifer dri. Will eis Rappe gaht uf gar kein Fall, hingäge sächs Rappe tönt scho fasch normal.
Ich han äs Portemonnaie gfunde, vomne Secondo. Sölli‘s mitneh, sölli‘s zruggeh?
Überlege churz, lueg nach links und nach rächts. Ich pack's mal ii, gäll ich mach ja nüt Schlächts. Ich gib's ja sicher zrugg... wänn kei Chole drin isch. Nu mal ineluege, gäll ehrlich wie‘d bisch. Fang natürli detä aa wo d'Note setted sii. Find en alti 1000 Lire Note und en Wettschii. Sie sorry aber ääh, das cha‘s ja nöd sii. Gwundrig und liecht greizt, luegi nomal drii. Und dänn aber Hobla, uf de zweiti Blick. Hani das Verschteck im Portemonnaie entdeckt. En Schlüssel für es Schlüüssfach und e churzi Notiz: „Gratuliere für din Fund, jetzt bisch riich isch kein Witz!“. De Zäddel isch unterschriebe und das isch s'Derbe a dere Gschicht. Hey ohni Seich verzellt: ich känn de Typ und sis Gsicht. Spannend wär's, aber meh säge chani nüme. Eis Motto hät mis Läbe prägt: Kä Näme!
Ich han äs Portemonnaie gfunde, vomne Secondo. Sölli‘s mitneh, sölli‘s zruggeh?
Es isch bruun, liit uf em Tisch im Schpunte. Ich find's cool, han grad ich das gfunde. Mache's uuf, luege drii, find en C-Uuswiis, jenschti Telefonnummere und en Huufe Gummis. Lueg de Uuswiis aa und ich tänk de Ma hani doch scho irgendwo emal gsee ghaa. De da isch doch de Watte-schtäbli, de Kolleg vom Ali, das sind beides Zwägi. Und drum tänki nöd mal draa, das Teil mit'znee überlegge schonemal wieni's chönnt zruggee. En C-Uuswiis isch guet, Mann, da hätt's Adrässe, gang go lüüte und säg lueg mal das häsch vergässe. Oh Shit, das isch ja huere nett. Dass es das no git, das isch ja huere fett. Merci für'd Müeh, das hetti nie glaubt. Hey freu di nöd z'früeh, will ich han dis Lied klaut.
Ich han äs Portemonnaie gfunde.
