R.A.D.I.O
Secondo
Frequenz 200000
Nur en Augeblick
Schnaps hilft
Du dörfsch kei Güff meh ha!
Eusä Discoscheiss
Müsliburg
Bring no en Style
So blöd simmer dänn wieder
Im Huus
Banner, Banner
Mach mal dä Max!
Händ ue!
Mach mal dä Max!
Musik: Sterneis
Text: Sgoing Erlöst, Jet Domani
Du seisch dis Läbe seg e Kataschtrophe, scho als Chind bim Schpiele mit de andere Goofe händ’s di ginggt und ghaut und dis Schpiilzüüg klaut, au de z’Nüüni vo dim Mami hätt en andere verdaut. Dänn häsch glaubt, das wärdi besser wänn’d gross bisch. Dänn weisch wo’s Moos isch und seisch was los isch. Aber leider isch alles nume schlimmer cho und jetzt frögsch di langsam bliibt das immer so. Im Job wirsch gmobbt, vo de Frau betroge und dis Sälbschtbewusstsii isch genau am Bode. Vom Kolleg wo immer wieder goge Gäld uuslehne isch häsch ghört, dass er jetzt in Hawaii Surflehrer isch. Ehrlich! Überall wirsch verkäckt, s isch doch alles vill z’härt, hätt doch alles kän Wärt und am liebschte würdisch wiitwiit weg, aber da isch din Platz schtaan uuf und mach de Max!
Mach mal dä Max!
Da chunt e chlini Gschicht, wo-n-ich eu verzellä will, vo mir als chlinä Puur, wiä-n-ich im Sandchaschte schpiel. Das Gschichtli gaht zwar nöd i’d Gschicht i, aber für mich isch es trotzdem sehr wichtig. Ich bin also friedlich am Sändäle gsi, da chömed zwei Nachbers-gschpänli verbi. Sind i’d Sandburg trampt, händ mis Schpiilzüüg verbüült, da hät’s mer glangt, ich bin heigrännt und han ghüült. Da hät mich min Grossvater uf’d Siite gno, hät gseit: “Puurli, das gaht nöd wiiter äso! Wänn der einä so eis tut inebränne, chasch nöd eifach devo und da ineränne! Muesch wüssä, mir Buebä us Wallisellä mir händ de Muet und tünd eus immer alli schtellä. Drum rännsch jetzt zrugg uf dä Schpiilplatz, heb d’Händ i’d Luft und mach emal dä Max!“
Mach mal dä Max!
Wänn‘d für dini Ideal und dini Ziil iischtasch, dänn bruuchsch halt scho mal echli Zivilcourage. Nöd dass’d mi falsch verschtaasch, das isch nöd immer liecht, mängisch bisch besser mal en Arsch als en liebe Siech. Du musch nöd emalä driischlah, musch nur wie mir da hiigah und für dini Sächä histah. Und au wänn’d nöd dä Gröschti bisch, setz di dure mit de Schnurre oder de gröschtä Lischt! Wenn ich dir en Tip chan mitgeh, probier’s mit Charme oder mit Vtamin B. Villich schaffsch es mit Beschtächigsgälder, will dini Waffä die wählsch du sälber. Es gaat um dis Läbe und um dini Iischtellig. Wänn‘d die niemertem tuesch säge, isch das eifach vill z‘wenig. Mer muess gsee wer‘d bisch und wüsse was‘d tänksch, aber wänn‘d nüüt vo der gisch, dänn häsch halt s’Gschänk.
Mach mal dä Max!
