R.A.D.I.O
Secondo
Frequenz 200000
Nur en Augeblick
Schnaps hilft
Du dörfsch kei Güff meh ha!
Eusä Discoscheiss
Müsliburg
Bring no en Style
So blöd simmer dänn wieder
Im Huus
Banner, Banner
Mach mal dä Max!
Händ ue!
Nur en Augeblick
Musik: Freaza
Text: Redl, Jet Domani, Sgoing Erlöst
Es isch en ganz normale Tag, wie jede anderi au. OK – de Himmel isch hütt blau anschtatt grau. D Sunne schiint und alles schiint guet. Liebi, Xundheit, Glück vo allem hani gnueg. Ich sitze im Auto, laan d'Wält uf mich zuecho, s Telefon lüütet, dänn hani's halt abgno. Am andere Ändi e vertrauti Schtimm, ich lose zue, und ich glaub ich schpinn! Wiene‘s Mässer durchschniided's d Luft, die Wort. Es isch öppis Schlimms passiert, bitte chum sofort! De Film schtaat schtill, wil das isch z'vill! Ich xeen mich vo usse, xeene d'Lääri i mir drinn. Mir isch de Bode under de Füess wägzoge worde, hütt isch einiges meh als nur en Teil vo mir gschtorbe. Klick en Augeblick, so schnäll chan's gaa, ich bhalt dich bi mir - und la di la gaa.
Klick, klick, en Augeblick und plötzlich isch dis Läbe nüme s Gliich. Bhalt die schöne Augeblick, wil nume dänn wirsch du riich. Klick, klick, en Augeblick. So schnäll verbii aber für immer da. Er isch für immer da (für immer da), wie's wiiter gaat, du häsch kän Schimmer gha.
Wer tänkt scho dra, was alles passiere cha imene einzige Augenufschlag? Wer chunnt no naa, wänn's so schnäll gaht und s Läbe die gwohnte Bahne verlaat? Wer chan verschtah, was eim plötzlich widerfahrt amene ganz normale Tag? Find di demit ab, s cha wiene Bombe iischlaa, nüüt isch für immer wahr. Das isch diin Augeblick, wo dini Gschicht schriibt, en Augeblick isch nie de gliich und wänn diis Vertraue bricht und liidisch, tänk an Augeblick, wo alles wieder verbii isch. S isch wie‘nen Zaubertrick, wo'd zerscht verschricksch und dänn verblüfft er dich. Und isch de Augeblick verbii, isch's nur no en Augeblick (KLICK) wo bis zum nöchschte Augeblick bliibt.
Klick, klick, en Augeblick und plötzlich isch dis Läbe nüme s Gliich. Bhalt die schöne Augeblick, wil nume dänn wirsch du riich. Klick, klick, en Augeblick. So schnäll verbii aber für immer da. Er isch für immer da (für immer da), wie's wiiter gaat, du häsch kän Schimmer gha.
Nume ein Augeblick, nume eis Missgschick, nume ein Fehltritt und du brichsch der's Gnick. Nume eimal nöd uufpasst, eimal falsch uufgfasst, eimal am falsche Ort, eis falsches Wort! I eim winzig chliine Momänt isch dis ganze, grosse Huus abbrännt Und ei einzigi winzigi chliini Sekunde verschiebt rächts nach links und obe nach unde. Häsch gmeint – du segisch inschtalliert? Häsch gmeint – dass sich nie öppis ändere wird? Häsch gmeint – dass scho nüüt passiert,
wämmer voruusschtudiert und alles analysiert? Häsch gmeint – du chönisch wüsse was morn isch, nur will'd hütt in Form bisch? S isch scho komisch. D Irrwäg vom Läbe schtönd uf känere Charte. Musch mit em Schlimmschte rächne, aber s Bescht erwarte.
Klick, klick, en Augeblick.
